خروبشة فالانتيات . 3>.

…اخترت العامية حتى اقدر اعبر بهيك مناسبة! مع انها مش مناسبة لاي شيء! 🙂 ..tumblr_mtakqrpswd1qdo44uo1_1280

طيب بسيطة.بسيطة…والي برددها بشكل كبير بين الناس مش عشانها بسيطة ولكن بدها نفسية هلامية على الاقل حتى نشوف شو قصة التفكير او يمكن “عادات وتقاليد” او حاجة لسا بنكتشف فيها انا واياكوا الان! ..هو اليوم مش عشانه الحاجة الي مسمينها ‘عيد حب ‘!! وهي اصلا ذكرى للراجل فالانتاين الي كان …الخ ..المهم ..

ليش الناس بتاكل اوفر ،بتوخد وبتعطي اووفر،بتفهم اوفر،بتشرح افكارها اوفر ،بتفكر اوفر ! …حتى لما يكون بيرغب بشغلة معينة بالمول بيكون شغفه اوفر ! ..لكن مش قاعدة هنمشي عليها وانما الي بيطفو في المجتمعات العربية هيك بالضبط ..اليوم لما انا بأجي اكلم حد كبير بالسن يعني بمعنى اخر ما بيعرف ينزل تويتة او يعمل لايك ! .. بيكون في هوة بوسع الجهل وثبوت التفكير الي راكب معظم الجيل المتوسط وكل الجيل الشائخ! ..الناس صارت تتصرف اوفر يعني على سبيل الاستهبال العاطفي ! بتلاقي البنات فيما يسمونه ‘عيد الحب’ بتلبس احمر وبعض تمثيلات هوليوود بتحصل ممكن! ..وشوي بتحصل ان يطلعلك بالواجهة -زوج ما زال يكتشف انه متزوج – جايب وردة ومعطي نفسه وزوجته جو اخر من العاطفيات والقرب! في هاآد اليوم خصوصااا واذا جاب لعبة لابنه هتكون حمرا ..!  هاد اشي مش طبيعي فينا مش في الايام ولا بعقارب الساعة الي بنطلع عليها ابدا ..لانه بنكيف انفسنا وبنخصص الحياة والعقلانية لبعض التشكيلات الغربية  في وجودنا كافراد ! الناس ما عاد تفهم انها محتاجة شحن رصيد ومحتاجة تفهم اكتر ومحتاجة تسمع اكتر ..ما تعطي نصائح اينشتاين وخزعبلات من الهبل المطقع بتلافيفهم العفنة!.. بكفي ي .. نقول كل ما نعرف ولا نعرف كل ما نقول!! ..وتعالوا اذا اتجرأنا وبدينا نخلط الدين والي بيحصل بينا بكل اشي بنخلص بضرب بعض ..ويمكن حد يخسر انفه! او يروح بدون نعل! .واذا كانت مع الوالد بتشوفلك حد ينيمك لانك اصبحت .مفارق للجماعة ! هو لانه فكر اوفر كان رده طبيعي ,لانه بيئة اوفر وبالتالي سيبك من البساطة والتبسيط! اتصرف زيهم عشان تاخد شعور قوة العقل والنباهة منهم !..

بتعرف انه نفسياتنا اليوم من هيك بيئة صارت تلقائي تتصرف بشكل معقد !! لما يروح يجيب من المول اكياسه بيعقدها وبيربطها متينة عشان يرتاح! .. طيب ما علينا ..نيجي لمثل صيني عجبني ‘لا تجعل احد يملئ فنجان قهوتك’ ..يمكن انت وانا وهو نفهم حسب مزاجنا او بالطريقة الي بترضي شخصياتنا الهشة! ..لكن لو اجينا لاصل هاد المثل ..كان واحد صيني مل من الناس والحياة ،صار يسأل عن حكيم يشوفله حل للي بيحصل معه. المهم وصل بالاخر لواحد بكهف واله زي مملكة بوسط الجبل ..فدخل وقعد ومسك فنجان وقاله اتفضل وصار يصب فيه قهوة لحد ما امتلئ وصار ينزل برا الفنجان ! فقله انا جاي اعرف حكمة منك مش تكب عليا القهوة! فقله هاي حكمة عشان تعيش سعيد متزن بحياتك ….:)) !……

انسيت انه اليوم للحب !..بس للاسف صارت كلمة وسخة عشان احنا اطلعنا فوق” تقاليد وعادات ” او تفكير اوفر اكيد ومؤكد هنا ..حتى كلمة مسلم او ملتزم صارت خطيرة! ..معلش الغرب مأثر علينا بموجات راديوية ما الها تردد واضح ..! انا ممكن اقولك الرسول كان يحب خديجة وتزوجها وتزوج عائشة واحبها عظم الحب وجل المودة ..هيطلع صوت يقولك مكانش يكلم موبايل ولا بعرفوا النت !..بقوله ماشي ..هاي نعمة ربنا اودعها اليوم وقد تصل لحد الفتنة بين يوم واخر لكن لم نخلق لنكون امعات ولا لنكون اوعية ولا لنكون هوائيين !! ,الموبايل والنت والتلفزيون والباقيات اذا في ! ..يمكن البلاي ستيشن يكون حرام لقدام…هاي كلها تمشي حسب كم ضغطة ومكان الضغطة (enter)..ولمين وكيف و…متى !…والباقي واصل …بدون نت! ……

نجيد التحدث عن بعضنا لا مع بعضنا !!… يعني تعالوا لو واحد منا اخطأ بشغلة معينة او وقع بالفشل ..نتقن النقد اللاذع الغير المباشر واذا كان دمه مش كريات حمراء وكانت حمقاء.. الله يعين المنتقد لفشله! .. هان انا بقولك التطنيش فن لا يتقنه الا السعداء وكمل من عندك…. ارجع اذكر .. ‘عيد سعيد’..وسعيد مش عادي ! لانه اليكسا كان بارد عليا انا بالذات بشهر 1 بالسنة الجديدة احتسبها من السنوات الي بتغير فيها حياتي للأفضل والاسمى بحيث النت يكون موجود عشان اطلع شوي من بيئتي العقيمة! …

انيشتاين قال لا تتوقف عن التساؤل ومن هنا هطرح شوي تساؤلات لنفسي قبل ما اوجهها لحد …

كم علينا ان نتحمل..؟!

هل وصلنا لشيء ولا لساتنا ا تحت الفراش..؟!

بتعتقد ممكن نشتري مدينة سادة ونركبها حضاريا ونزبط عقد ثوبنا مجتمع حلو يلبقلها…؟!

كم عدد المخطئين والفاشلين والنادمين والضايعين و…؟!

احنا صح وبنواجه ضغوط من كل اشي ولا هما غلط بس شكلهم اجمل ..؟!

المشكلة الاكبر كهربا ولا حواسيب المعبر ..؟!

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s